NON GRATA

Zein da delitua?

2009-10-16T12:25:00.000-07:00

Gaztetasunaren osagaiak dira desira eta grina. Denok igaro dugun etapa horretako begietatik so eginda amets oro bihurtzen da gauzagarri, indarrez igotzen dira mendi malkartsuenak, jaitsieran abiadura hartu eta aurrera gogotsu jarraitzeko. Bada ordea, gazteen bidea zailagoa egiteko helburuarekin mendian hesiak jartzen dituenik ere. Aste honetan epaitu dituzten Lea-artibaiko 8 gazteak dira horren adibide.

Alde batetik, ia bi urte ikusi gabeko lagunak besarkatzearen poza eta bestetik, epaiketa politiko honekiko amorrua: sentimendu kontrajarriak nolanahi Audientzia Nazionalean bizitakoak.

Fiskaltza esku hutsik agertu da, pegatinak, DVDak edota presoei idatzitako gutunak mahai gaineratuz auzipetuak zigortzeko froga gisa. Epaituak “terrorista” omen dira, baina besapean pistolak izan beharrean, hauek, pegada politikoak egiteko eskoba kirtenak zituzten. Egutegi bat bezalako aproba zuztar gabekoak dira fiskalaren argumentu bakarrak gazteak urte luzez barrote artean bizitzera kondenatzeko. Horrela, agerian gelditzen da inongo oinarri juridikorik gabeko epaiketa izan dela. Azpian dagoena, independentziaren aldeko ahots gaztea isilarazteko estrategia politikoa besterik ez baita.

Zigortzeko arrazoiak argi erakutsita, pentsatzekoa da zenbat eta zenbat euskal herritar aurkitu daitekeen auzipetu hauen toki berean. Larria da herritar ororen eskura dagoen propaganda politikoan oinarrituz gazte hauek 8 urteko espetxe zigorrera kondenatzea. Gazte, errebelde eta independentista izatea al da euren lege-hauste bakarra? Non da delitua?

18/98 auzian Garzon epailearearen “dena da ETA” teoriak gaur egunera arte heltzen den itzala utzi du, bihar berriro gazteak Auzitegi Nazionalean epaituko dituztelako inongo frogarik gabe, erakunde armatuetako partaideentzat egindako kartzela zigorrekin parez pare topatuz. Jendartearen motore den ahotsa baina ezin daiteke inolaz ixildu, zer da ba etorkizunaz gazteriaren zati handi bat itzalpean biziko bada? Gazte gara gazte eta ez gaude konforme zioen atsotitzak, eta eskerrak hori aldatzeko epailerik, zigorrik edota auzitegirik sortu ezin den.

Katamaloaren balsa

2009-09-29T05:36:00.000-07:00

Plazako kioskoan belarriak estaltzera eramaten nauen doinu garratza dabil jotzen musikaria. Inor ez da geldi, biolinaren noten erritmoan mugitzen ikusten ditut karetak. Badirudi orain ni naizela aurpegia estali gabe dagoen bakarra eta ez dut gustuko albokoaren begirada gardenki ez ikustea. Beldurtzen nau nire inozentzia izatea bistaratua den bakarra. Jakin badakit zerbait izkutatzen dela hainbeste katamaloren azpian, nik ikusi ezin dezakedana, besteak igarri ezin duena.Gorputz adierazpenean aurpegia da argikien egiazkotasunaren zantzuak ematen dituen atala. Ehundaka urteetan horregatik soineratu ditugu noiz edo noiz karetak: orgia amaitezinetako konplize izan dira, ikusgarri bihurtzeko jantzi dira, baita oharkabean ibiltzeko ere, etab.

Identitatearekin estuki lotuta dagoen mozorroa dugu katamaloarena, garrantzitsua baina estalkiaren atzean izkutatuta dagoena da. Beti besteen irudipenerako margotzen dugu aurpegia, haren antz handiagoa izateko edota geure benetako izatea ez bistaratzeko. Ez gara ausartzen garen bezalakoak aurkezten konplexuz eta aurreiritziz beteta dugulako burua. Egunero mozorrotzea ez da sanoa baina! Gero ez dira ba buruko gaitzak ugarituko! Kezkaturik nauka bals honek, ez dut gustuko. Katamaloak aireratu eta dantzako argazkian agertuko direnak aurpegiko zimurrak izantea nahi dut. Ezin gara albokoaren esamesen lotsaz bizi, horrela geure burua zokoratzen dugulako, ez ditugulako geure desioak naturaltasunez plazaratzen. Eta hori nola ez, biolentzia da.

Gehien ikaratzen nauten dantzariak katamaloa estu-estu jantzita daramaten horiek dira... Ikusten dituzu? Hor, zure ondoan daude! Badirudi aurpegia aurretik dutela jarraitzen diotela biolinaren hotsari. Atzean baina badituzte mila aurpegi gordeta, zein baino zein gaiztoagoak. Hobe izango da horiekin ez dantzatzea, ziur nago eta zapaltzen ondo dakitela eta hanka handituta bukatuko dugu bestela.

Gelditu da musika. Badoaz denak etxera, astiro, nekatuta, aurpegian daramaten mozorroa pisutsuegia baita. Ohera sartuko dira, bihar berriro egun gogorra baitaukate aurretik.

Nik kiosko berdearen azpian itxarongo diet, gero datozenean begietara zuzen begitzeko eta nahi duenari mozorroa kentzen laguntzeko. Bitartean nik atseden hartuko dut, Lolaren maskara jantzi ta lurrean ostiko zaratatsuak ematera noa.

Ah! Eta ez ahaztu...zapatu honetan Ondarruko gaztetxin beste kaputxa dantza bat dauela! Arpeixe emoteko modu bakarra dalako! http://ondarrukogazteasanbladi.wordpress.com/

Per se!

2009-06-12T16:09:00.000-07:00

Gaitxasun aparta dauket usañik be eztauketan gauzen ingurun berba eitxeko, eta jakin arren zelaku nazen, etxate eitxen bape erretza Ainara deskribitzi. Berba bat ipiniko banotzan pertsona txikitxo honi zelaku dan esateko: xelebri litzateke. Bai hasarretzen danin, lotsatzen danin, lotsabako bat danin, etab.
Psicoanalisis y sociedad klaserako histerian inguruko lantxu bat enbiher izen genun, ta Amaia craziri ezer hobeik etxakon okurridu neure deskripiziño bat eitxi baño. Hau da beran aburuz Ainarita. Ni ena oso ados esaten daben danaz, batez be munduan atentziño puntu izeteko eitxen dotxuazela eitxen dotxuazen gauzak esaten dabenin ta gaña esajeraue be beitxantzen jate pixkat (edo bueno hori nahiot pentsau, jaja). Grazixi eiozten testuk esa zuekin elkarbanatzen dot.

Ba hau ta askoz be gauza gehixa naz, ta holan be me en-kan-to! Sá!!! Onak garalako, histerika horrek esango leuken lez.

Ta brote narzisista honekin jarraitzeko hemen izten dotzuet behin batek aitxetu dozten abesti batekin, bere aburuz, kanta honek primeran identifiketen dau Ainarita. Hoba neuke nik billete urdiñekin agur eitxen ibiliko banitzake edo mulata batzukin hondartzan... ja!!

----------ATA MIÑE BIZIXAI----------

Aniztasunaren erreinuan, normala garaile

2009-06-10T21:24:00.000-07:00

Atzo goizaldean lan bat egiten nenbilela buruan bueltaka erabili nuen ideia elkarbanatu nahiko nuke zuekin. Guztia Odol hotzean liburuaren haritik dator.

Nire esperientziatik abiatuz, esan dezaket pertsona baten bizipenek eragin handia daukatela honen ekintzetan. Atsotitzak dioen legez zer ikusia hura ikasia izaten da sarri, gure inguruak eta gure praktikek eragin zuzena dutelarik ondorengo izatearen garapenean. Gizarteak baztertu egiten ditu "ezberdinak" diren pertsonak eta gero ondorioak gertatzen direnean gaizkiletzat etiketatzen ditugu.

Zerbait gertatu arte itxaron beharrean eta ezbeharra ekiditeko aurretiaz hoberako lanketa bat egin beharrean, jarrera indibidualista izaten dugu. Indiferentziaren begirale subjetiboak gara. Erruduntzat ekintza gauzatu dutenak jotzen ditugu konturatu gabe guzti honetan (sarritan) gizarteak berak ere erantzukizunaren parte handia duela.

Pertsona eta ekintza ororen atzeko historiak beti ez du justifikatzen egindakoa. Baina uste dut aurretiaz kolpe behar zaiela arazoei, ondorioz gutxiagotan eraman beharko genituzke eskuak burura.

Txarrena badakizu zer den, baina? Hasieran aipatu dudan ezberdinaren kontrakoa litzatekeen "normala", eliza, agintari politikoen eta merkatuaren inbentzio hutsa besterik ez dela kapitalaren erreinuak esku beratan jarraitu dezan. Guztia ikusten dugu normaltasunaren begietatik, dagoen oro sailkepen bi horietan multzokatuz eta ezberdinak direnak baztertuz.

Munduan ez dago normalik baina, dena da ezberdin, dena eta denok gara anitzak eta eskerrak! Beraz, normaltasunaren sailkapena antzua da, denok garelako beste poltsa horretakoak.

Eta konturatu gabe ni neu hasi naiz sailkapenak egiten, jakin badakidan arren alperrikakoak direla hauek.

Sedazko galtza eta gona gorriak soinera

2009-06-04T22:08:00.000-07:00

Entzungo dituzuenak ez dira konbentu batean monja sartzeko bete behar diren neurriak, baizik eta Ingalaterrako Bankuak bere langile emakumeak puta itxura izan ez dezaten ezarritako agindu multzoa. Konturatu ez bazarete ere, XXI. mendeko herrialde aurreratuetan, poltsa handiak eramatea, gona laburrak eta takoi altuak janztea puta itxura izatea baita, beraz muuu malooo eta hezitu egin behar gaituzte neska txintxoen itxura izateko. Hori bai, poltsikoak bero izan beharko dituzue horretarako, 12000 euroko kostua baitu kurtso apalak.

Eta txarrena hitz egiten duen lehenego emakumea da, "si vas a trabajar no vas a exhibirte, no?". Attu zu (nik harrapatu dudan zentzuan esan baduzu behintzat esan duzuna), hemen nahi dugunok nahi dugun bezala janzteko eskubidea daukagu, eta gogoak emanez gero txirla bistan ere joango gara kaletik. Zu eta zu bezalako beste askok, beren umetxoei begiak eztali eta lotsagabe deitzen diguzuen bitartean. Ba bai, harro gara gure lotsagabekeriaz, gaiztoak ere bagara eta esan diezazuket are gaiztoagoak izan gaitezkela, batik bat, gure harrotasunak zu eta zu bezalakoak mintzeko balio badigu.

Hobeto lukete gure inguruko puta denek Ingalaterrako Bankuko langileen soldata bera izango balute, horrela gauza asko mejoran joango litzatezke.

Gora ba puta, exhibisionista eta titifreskera errebeldeak! Gora guek!

FLY-FLY-FLY!!!!!!

2009-05-29T14:04:00.000-07:00

Ke emozzziiion Mariluz!!!
Azkenin be lortu don, heuk bakarrik, ta pozten non!Gora zu ta zure estres danan frutuek!!!Jajjaja, zemat barre ya no puedor mas ozenak botaten izen dostezuzenin Berritxutik edota honako gauza xelebrik idazten izen dozuzenin "ta behin heltzen da puntu bat, zure burmuiñek ezin dabena informaziño gehixa xurgatu, begixek erre eitxotzuena, dislexia puntu bat daukezule siñezta heltzen zariñe, orduen aldaketa sakona jasatezune, eta goxaldeko 4etan adbidez, 7txerdixek balire lez armusetan hasten za... nonokin berba eineran "zelan zabiz?" galdetu ordin " XIX. mendean..." automatikoki urtetotzune..... mal, muy mal!".
Bakit eztala zure bizitzako aspirasiñoie batxillerra aprobeti (eskerrak!pozten naz) baña bueno, nahi dozun hori eitxeko ezinbesteko pausu izen da ta lortu dozu Fly!Eta oiñ gustura musikatzera...beste danok zoratzen gaitxuzun artin, klaro esta!
Grazixi eitxen dozte esaten doztezunin neska nausixe bihurtzen zauezela eta idea hori etxatzule gustetan!!! Konturetu barik doiez urtik aurra, ezta? Baña bueno, ez pentsau asko aldatu zariñik e! Txikitxen bakarrik euskal oilasku jateko autue ein zenun, lo zenguzela pentsetan zauezela esaten zenun edo gabonetan anaztazia ginazia zzizzipozzetan eskatzen zendun; eta gaur horrek esan ez arren be esamiñetan amaberjiña batek baño amuleto gehixa eruten dozuz soñin eta dentistiana be musika, baleriana eta hartu biherreko danekin juten zara.
Lehengo umetxo begi baltzdune ezpaza be ikusten dozu xelebrekerixak eitxen jarraitzen dozule.

Ba bueno, esaten dotzut ez aukitxeko naustasunai billurrik, oniño asko daukezu eta eskaintzeko eta gozatzeko! Eta zelan ez, 80 urtekin be beti itxi tartetxo bat izen ziñen ume horri!

Badakit gaur jente askokin akordau zarille, ta jakin danok pozez gauezela (hainbeste komerixa eta gero, ke menos!), eta zure albun eztauezenak be hor egongo balitzakez holan egongo litzakezela, ez estutu txikita!

Ba zorixonak hemendik, goitxik ozpatu zure garaipen txikitxue eta negar gitxi eñ egun honetan Maria Madalena anderea!Badakit eta zorixontsu zarille esan biherra daukezun egun horretako batzuk biziko dozuzela. Musu lila asko madrillerutz eta besarkada bat sama samatik!

Asko maitxe dunat....milla esker zaren hori izetearren Argitronik!

Keinuak gurutzatuz

2009-05-27T14:31:00.000-07:00

Gurutzatu gara gaur, beste askotan bezala.
Ez zara ezer aldatu, beti bezain besteko irrifartsu jarraitzen duzu.
Hor ikusten zaitut ile kiribilkatuari bueltak ematen atzamarrekin eta etxeko armairutik txokolatea osten.
Guda gogorrena galdu omen zenuen, baina nire ustez zureak bezalako garaipenak eskuratu dituen gudari gutxi izango dira hortik.
Nire oroitzapena da horren testigu, beste irudi denak ezabatu eta udaberriko gerezi zuhaitz ederra dirudizulako.
Zuzendu didazun begirada hain da benetazkoa!
Badakizu?Batzuetan telefonoa hartzen dudanean zuri hemen nola doakidan kontatzeari ekiten diot.
Bapatean ordea, konturatzen naiz ezetz, ezin dizudala erakutsi etxeko leihotik ageri den ozkarbi polita. Eta orduan tristetzen naiz pixka bat.
Iraganean ere idatzi ditzazket letra hauek, baina inpresentzia fisikoa ez dut nahikoa zinen idazteko.
Badakit ezin naitekeela oroitzapenetatik bizi, baina sorgin bihurtu eta bizi ez dena bixitu dezaket horrekin.
Eta nostalgiak zurrupatu nauela ematen badu ere ez nago triste. Sendiak goibeltzen nau, bai, baina oso present daukat iragana eta ondorioz, gustatzen zait sendiak akabatu ez zaituela sentitzeak.
Urruntasunaren hoztasunetik babesten nauen eguzki beroena da zure gertutasun faltsua, beste askotan bezala.

Ametsak kodifikatuz

2009-05-26T22:35:00.000-07:00

Momentu batez, pentsatu bizi zaren mundua zamarrontzira doala X arrazoirengatik. Bakoitzak bere arrazoian pentsatu dezala, eta irudikatu zementua dena orain, belardi bilakatzen dela. Soilik izaki bizidunez eta urez eratutako munduan zaudela.
Lasaitasuna da nagusi, ezta? Bat-batean, zu bezalako pertsona batzuekin aurkitzen zara. Ez zarete asko. Bada, zuen koadrila horri dagokio orain beste mundu berri batean pentsatzea. Ez zarete oroitzen lehen zegoen errealitate gaixoarekin. Dena pentsatu eta eraiki behar duzue hasieratik. Nolakoa litzateke zuei gustatuko litzaizukeen mundua?
-------------------------------- --------------------------------

Nik gaur ariketa bera egin dut eta honakoa da Mixikoko koadrilak desiatu duen egunerokoa:
• Guztiok bat gatoz, ordena edo oreka bat izateko beharrezkoa dugula araudi minimo bat. Baina lege multzo txiki horrek ezin dezake inoiz gure askatasunaren muga gainditu. Ole!
• Erabaki oro herri asanbladan hartuko litzateke, baina ez gehiengoaren demokrazia zapaltzaile horretan oinarrituta, baizik eta kontsentsuz; denok eroso sentitzen garen adostasunera helduz. Asanbladan denok parte hartu beharko dugu eta inoren iritzia ez da gutxietsia izango.
• Eta gu, gu nolakoak izango ginateke? Hasteko, gizon eta emakumearen arteko bereizketa sexual hori ezabatu eta guztiok izango gara izaki bizidun; gaineratutako etiketa antzurik gabe, genero eta rol bereizketatik at, etab. Baina horretaz gain, izaki bizidun integralak izango gara, hau da, denok denetarik egiten jakin beharko dugu eta gure betebeharra izango da dakiguna besteei erakustea. Eta arazoak daudenean? Zure arazoa gure arazo bihurtuko da eta denon artean errazago aurkituko diogu gustuko irtenbidea.
• Den guztia izango da jabetza publikokoa. Orduan, nolakoak izango dira harreman ekonomikoak? Bada, dirua bezalako sorkuntza txarrak albo batera utzi eta trukean oinarrituko da mundu berriko ekonomia. Eta, etxebizitzak komunak izango dira? Bai, baina posible izango da bakarrik egoteko etxe edo txokoak ere tartekatzea horien artean. Inongo jabetzarik ez dugu izango, ezta maitasunean ere? Ez, noski ezetz!Ni ez naiz zure jabea, zu zara zure egintzen jabe bakarra.
• Baina maitatuko dugu? Bai, asko gainera! Baina nahi dugun bezala, askatasun osoz garatuko ditugu gure harreman sentimetal eta sexualak. Ondorioz, normal eta harraro bezalako definizioak ez dute tokirik jendarte berri honetan eta familia eredu anitzezko mundua litzateke. Beraz, umeak izango ditugu? Nahi duenak bai. Baina ez ditugu aita eta amaren figurak bersortuko, ez! Guztion lana izango da haurtxoak edukatzea. Beno, edukazio hitza ez zaigu gustatzen. Ortaz, gauzatuko dugun heziketa esperientziak partekatzean oinarrituko da.
• Manipulazioa, behartzea, engainua, agintaritza debekatuta egongo dira. Errespetua, zintzotasuna eta parekidetasuna gailenduko dira.
-------------------------------- --------------------------------

Zer, ezer berririk ez, ezta?Ez!Baina zin egiten dizut eztabaida oso interesgarria izan dela, mixikarrak gaitasun handia daukate dialektikarako. Grazia handikoa ere izan da; izugarria baita pertsonon imaginazioa nora arte iritsi daitekeen ikustea.

Orain beste ariketa bat proposatuko dizut. Hasi zaitez irudikatu duzun mundu hori gauzatzen. Ez ahal dira ba bateragarriak beste mundu posible horren aldarrikapena eta bere gauzapena? Beraz, zertarako itxaron? Zeri itxaron? Nahi duzunaren alde borrokatu beharra dagoenaren ustekoa nauzu. Markitosek aspaldi esan zuen legez askatasuna goiza bezalakoa da: batzuek heldu arte lotan itxaroten diote; beste batzuek ordea, iratzarri eta gauez ekiten diote berau lortzeko bideari. Zein da zure aukera? Azken gauza esango dizut: beldur gehiago izan beharko genioke gaurko munduak eskaintzen digunari eta gutxiago iraultzari.

Ezer ez da akabatu...

2009-05-19T10:57:00.000-07:00

Zure hitzak beti bezain presente jarraituko dutelako gure artean, ezer ez da akabatu eta horregatik zuk esaten zenuen bezala "no te salves".
Zure berbek aizkoraren zorroztasuna eta txori baten askatasuna bateratzen zituzten, berezia zen idazten zenuena.

Argi eta ozen esan dituzu esan beharreko guztiak. Beraz, zure aipu jakintsuetako batzuk ekarri nahi ditut txoko honetara.

"Algunas cosas del pasado desaparecieron pero otras abren una brecha al futuro y son las que quiero rescatar.

"Acá hay tres clases de gente: las que se matan trabajando, las que deberían trabajar y las que tendrían que matarse."

"Aunque nos olvidemos de olvidar seguro que el recuerdo nos olvida".

"Cuando creíamos que teníamos todas las respuestas, de pronto, cambiaron todas las preguntas."

"Yo no sé si Dios existe, pero si existe, sé que no le va a molestar mi duda."

"Un torturador no se redime suicidándose, pero algo es algo."

Eredugarria zu!Eskerrik asko!

Hasieran bezala xamurragoa

2009-05-15T13:13:00.000-07:00

Egun gutxi pasatu diren arren, behin berdina izan zena arrotz bihurtu dugu.

Nahikoa dira bost minutu lotuta egon denak bat izateari utzi eta mila zatitan apurtzeko.

Eta patuak harrapatu ez bazaitu ere, desio ez dituzun paisaietan bizitzera kondenatu zaituzte gaurkoan.

Ni koloreen itsasoan murgilduta nagoen segunduan, zuk gogor egiten duzu uger izotzaren erreinuan ito ez zaitezen.

Lurperatu ditugu elkarrekin besotik helduta amesten genuen egunak, denboraren orratzetan galdu direlarik.

Orratz horietan oraindik baina, kateaturik gelditutako sentipen askok preso naukate. Eta ezinezkoa zait ihes egitea.

Horregatik gaurkoz behintzat agur esaten didazunean, ezin dut hainbeste urrundu zugandik.

Ez. Ezin dut nire burua behartu gure egunak ezabatzera.

Beranduegi dela diostazu, baina berba horrek ez du zentzurik Singapurrera eraman nahi zaitudanean.

Ez dut ulertzen zuk belarriak estaltzea mundua gaixorik zergatik ikusten dudan azaldu nahi dizudanean.

Arrazoi duzu, gauzak aldatu dira, bai.

Baina ez dena; lehen baginen eta orain ere bagarelako.

Ados, bakean utziko zaitut.

Zure baimenarekin baina azken eskaria egin nahi dizut: ez gaitezen elkar gehiago mindu.

Ez al dugu merezi helmuga ezberdinak izango dituen bidaia hau xamurragoa egitea? Parez-pare, hasieran bezala.

Gure etxea= Rabetxea

2009-05-12T13:41:00.000-07:00

Hemen nator deskribatza lo ke biene a ser una rabe en condiciones!
Bai, peñita...ezta urrun jun biher Rabe ganorazko bat topetako, guk esaterako kuartotik urten be eztou enbiher. Ta baten batzuk esango dabe "ederra txoiu", ta nik esaten dotzet tarari ke te bi! Zeba diñoten hau?

Eguenetik gaur arte ixiltasun orduk 10etik gora ezti izen, eta ez presisamente etxe albun obrak daukauzelako. Momentu honetan ordu batak di eta nahiko desesperaute na. Alboko kuartun jota musiki topin da eta garrasike dabiz zoruen parera. Egunero dena okerrako...

Eta guzti hau asteburun balitzake bakarrik ba gaitz erdi, baña salbuespen izen bilaukena rutina bihurtu da, horreta gure osasune arriskun ipinixaz. Nire insomnixu bere punto gorenin da, ezin da lorik eiñ tapoiek ipinitxe bez, 3 ordu lo einde juten ga UNAMa... Baña desesperanti bezain besteko harrigarrixe da etxekide maitxegarrixen aguanti parrandarako. Honentzako jaixe ordutxu batzuk lo eiñ ostin hasten da, bardindotze goxeko 9ek edo ordu 2xek badi (ta bardindotze esatotanin, bardindotzelako da!)....esnatu, arpeixe garbitxu eta urrup ta klik txartela gorde ta iñor baño poza.

Hau dana gaña, Amaia eta bixok 2X2ko txaletin erregiñen parera gauezela. 80ko ohien lo eitxen, hori bai izerakin (Hotel Isabeletik ostute, eskerrik asko maja!, saku? zer da ba hori?)eta kilo bat hondar dauken toalla batekin tapaute (pa txula txula yo!). Hori bai, bistak itzelak daukauz, peni dana da panel informatibo baten sarik lausotzen dozkule begi pareku. Eta kortiñi? Kortiñi Chiapas-eko andrak artesanoki eratuteko mantel koloretsu bat. Ze pentsetozu ba?

Inbidixi e?The lux! Halan da be, famauk zer ga ba geu, baireeee, hemen ga zoologiko honetan txapeldunen lez eusten. Zein dan sekretru?Umore oso ona, egoerian absurduenaz be barre eitxi eta egueldi txarrai arpei hona ipintxi. Ez pentsau, honek be bauke alde positibu (ezkutun baña bauke): bikixe aukitxian nahi hori betierekoz burutik kentzi (amaia ta bixok siamesa bihurtu biga), ezer gitxikin be bizitzen ikesti (kalin gatu esko be kartoi zati batekin konformauko ga... zer, txarto ala?Super merki bada?), kolokoien fase ezberdin eta musika tekno-n esperta bat bihurtzi, klaustrofobiaik eztauketela konturetzi...

Danok zaueze gonbidatute Rabetxeara, edonoz topaukozu zabalik, sartu eta animoooo!!

Beldurrez influentziatu nahi izan gaituztenekoa

2009-05-10T22:07:00.000-07:00

Ziur aski asko eta asko nazkatuta egongo zarete influentza berba entzuteaz. Bada, ondoko lerroak alarmismo honekin esan gabe geratu diren hainbat kontu aipatzeko asmoz datoz.

Hiru hilabete pasatxo daramatzat Mexiko Hirian bizitzen, eta ikusitakoagatik esan ahal dudana da hiri kaotiko honetan lasaitasun tarteak edota jende gutxiko txokoak urriak direla. Apirilaren hogeita hiruan ordea, beldurra Mexikar guztien gorputzetan sartu eta bertoko eguneroko aktibitate gehientsuena geldiarazi zuten. Gobernuak birus ezezagun baten presentziak eragindako larritasunaz ohartarazi eta ordu gutxitara, metropolia kolore urdinezko itsaso bihurtu zen maskaren erabilpenaren ondorioz. Hortik aurrerako kontuak badakizkizue: Munduko Osasun Erakundearen eskuartzea H1N1 gripearen gaian, larritasun mailaren igoera azkarra…

Nire ustez, gertaera honekin beste behin ere, argi geratu da XXI. mendeko boterea gai dela beldurraren mekanismoa erabiltzeko jendarte manipulatua eta kontrolatua izateko. Adibidez, zuetako askorentzat ezezaguna izango da histeria kolektiboaren egoera honi Gobernu Mexikarrak atera dion probetxua. Izan ere, herritarrak beldurraren ondorioz etxean sartuta egon diren artean, estatuko agintaritzak Fox-en agintalditik onartu gabe zeuden hainbat lege onetsi ditu. Adibidez, Polizia Federalak enpresa pribatuek beraien bezeroen inguruan dituzten datuak jasotzeko ahalmena izango du aurrerantzean, telefono deietan eskua sartu ahal izango du, mezu elektronikoak gordetzeko gaitasuna eskuratu du… Gainera, gobernuak bere prentsaurreko eta iragarkietan (15 minuturo bat) histeria kolektiboa ekidin beharrean hori bultzatzeko berba magikoak behin eta berriro errepikatu dizkigu: oso arriskutsua da, ez atera kalera, etab. Horrela, beren nahiak inongo oztoporik gabe aurrera eramanez.

Eta guzti hau influenzaren alarmapean, jakin badakitelako norbanakoen eremu pertsonala urratuz gero herritarrak beraien aholkuei muzin egin eta kalera irtengo direla onartutako aldaketak salatzera. Ezin ukatu dezakedana da txerri gripearen birusa existitu dela, Gobernua mexikarrak ordea aukera paregabea bilatu du mugako egoera izan zitekeen honetan ere bere asmo zikinak aurrera eramateko. Erreformak tapatzeko influentza beraz.

Al atakkkkeeerrr

2009-05-08T13:21:00.000-07:00

Bueno ba...ba! Eutsi Aina, eutsi....!

San Gregorixutako bigarren asteburu, seguru lehenengu gainditzi gatx auko dabela horko pendejx danek, ta iñungo dudaik be barik ni neuri garisumi baño luzia eingo jatela. Baña gaur barixeko eberdixe, zerbeza bat eskun dauketela GORA SAN GRAGORIO ozen bat botakot zuekin batera potzuan beste alde iger honetatik.

Aixxxxx, untxe edozer emongoneban zuekin danokin parranda edarra botatearren Berritxuko plaza txiki horretan. Ezta ezer berezirik baña ondo zer pasetau geuk ba ezker eskume witoka, alkarrei barre gusture eiñ ta zoro, oso ZORO bihurtuz gu eta inguruko danak.

Argazkixek ikusieran olatu rrrrooossssa horrek buzti naitxunetik jota odola be irekitxen dauket. NAHIRUT jaiaaaaaa!!! Nahi zaituztet! Bazkari herrikoi horretako solomo eta patatas a la riojana, enaban pentsauko sekulo hau esango nebanik, baña bai Txus faltan bota nitxun. Eta asko poztu niñun txabalillx danok kalik rrrrosas marraztu zenitxuela ikustik, gora BGA cuates!! Badatorrrelaaaaaaaaaaaaaaaaaaaaa........neu heldu orduko ez etorti daukela behintzet, arren eta faborez!

Dibinaaasss, eskerrak aitxe portetan jaten (zozetako nazela bere alabi) eta zuei holako paraderun atatotzuen argazkixe.... holan gustetan jate niri, demakraute ikusti. Ze San Gregorixo holako arpeikeraik barik etzan izengo bardiñe!

Ba hori nik hemen nire kaxera gaupasera autonomu eingotela....zuen erretratuk paparrin inkaute eta wito epel epel (baña ooonnnnaa) edanaz, barra gañera igon eta zoroetxeko eskatza ofizialki jai gune lez zabalduaz. Ezta bardiñe izengo ezta urrarik be; ezta egongo zinegotzi mozkorrik ingurutan, ezta agurnepatxirik be bronki botaten txosnakuei, ezta martxianoik anestesia ipintxeko, ezta big-bo niri sorbaldara altsau eta bueltaka marietako, ezta balkoietan andra kotillaik, ezta julene begixek be okertute, ezta antxusa hirugarren gaupasan, ezta maialen mariaute, ezta kaskon barre xelebreik, ezta, ezta, ezta.....zemat ezta!Baña bueno bakitenez igezkuk eztotxule gainditxuko aurtenguk, baaaa barretxu batek urtetan dozte ;P, eztakit holan izengo dan baña niri behintzet inbidixa sentsaziñoie apaltzen laguntzen doste hori pentsetik.

Halan da be putok halakuok, bakit, zuei ta zuen parrandaik joditzekoik eztauela eta goren gorenetik ibiliko zariela saltoka eta dantzan, lañuen eurixan kaladiai barrutik gehixa buztiaz aurre eitxen eta ilargi betiai ipurdi zuri zurixe erakusten. Y azin me guhta nenas, ke viva la vita alegre koñiiiooo!

Gora Berritxuko jaixek!!!! Ta oiñ bai, oiñ.... al atakeeeeeerrrr! I misssssssss all of you!

Txikiaren handitasuna

2009-04-28T12:42:00.000-07:00

Bizitzaren bidaia honetan gauzek ez dute beti nahi genuen bidea hartzen eta gehiago borrokatzeko gogorik ez daukagunean, nekatu eta munduaren handitasunarekin alboratuz iñurri bihurtzeko hautua egiten dugunean, amorruek, aholkuek, mesedeek... duten balorea galtzen dute eta orduan, orduan nahi dugun bakarra eskutik heldu gaitzaten da. Eskutik heldu gogoz eta gogor, albokoaren berotasuna sentitzeko.Gure izate ahularekin bakartasun korapilatuaren sendotasunari pultsua irabaztea izaten da azken guda. Azken garaipena berriz lasaitasuna, maitasun keinuen gotorlekuan ezkutatzen den azken hatsa.

Heroina larrua jotzea bezain gozoa zela

esaten zuen garai batean.

Medikuek esaten dute okerrera ez duela egin,

eguna joan eguna etorri, eta lasai hartzeko.

Hilabetea da berriro esnatu ez dela

azken ebakuntzaz geroztik.

Hala ere egunero egiten diogu bisita

Arreta Intentsiboko Unitateko seigarren kutxara.

Aurreko oheko gaixoa negar batean aurkitu dugu gaur,

inor ez zaiola bisitara agertu diotso erizainari.

Hilabetea arrebaren hitzik entzun ez dugula.

Ez dut lehen bezala bizitza osoa aurretik ikusten,

esaten zigun,

ez dut promesarik nahi, ez dut damurik nahi,

maitasun keinu bat besterik ez.

Amak eta biok soilik hitz egiten diogu.

Anaiak lehen ez zion gauza handirik esaten,

orain ez da agertu ere egiten.

Aita atean geratzen da, isilik.

Ez dut gauez lorik egiten, esaten zigun arrebak,

beldur diot loak hartzeari, beldur amesgaiztoei.

Orratzek min egiten didate eta hotz naiz,

hotza zabaltzen dit sueroak zainetan zehar.

Gorputz ustel honi ihes egingo banio.

Bitartean heldu eskutik, eskatzen zigun,

ez dut promesarik nahi, ez dut damurik nahi,

maitasun keinu bat besterik ez.(Bisita, K.Uribe)

Ipur zuloaz gozatzearen aldeko manifestua

2009-04-26T21:11:00.000-07:00

Porkulerx guztion aldeko ohiu ozena helarazi nahi nuke gaurkoan. Asko diren arren manifestu hau idazteko arrazoiak, hiru besterik ez ditut aipatuko, gainontzekoak zuen esku uzten ditut (bakoitzak bereak baititu).

1) Ipur zuloa ezberdintasun sexualetatik haratago doan gune erogenoa da, zeinetan rolak edo emakume eta gizontasuna bezalako definizioak lurperatzen diren. Denok maila berdinean gara ipur zulo baten jabe (eta eskerrak!).
2) Ipur zuloa gizarteak eta honen instituzioek ezarritako puntu orgasmikoen zerrendan kokatu ez den arren plazer eta kitzikapen gorena eskaintzen duen gunea da. Egin diezaiogun kasu gehiago baztertuta dugun zulo horri.
3) Eta azkenik, ipur zuloa gorputz kontra-sexuatuaren berreraketan ezinbesteko elementua da. Ipur zuloak ez du erreprodukziorako funtziorik betetzen, ezta ere maitasunean oinarritutako loturak bultzatzearena. Beraz, emandako onurak logika heterozentrista batean neurtzea ezinezkoa da. Finean, sexu-generoa errepresentatzeko erabiltzen den sistema se caga por el culo.

Ala gente, popatik asko emon daitzuela, beti be zeuek nahi dozue(ze)nak, gaur eta beti! ke aunke no lo rekomienda el instituto general para la salud es muu bueno!

Agur Urtain!

2009-04-23T10:08:00.000-07:00

Pertsona baten ordezko ekarri zaitxuen eta egixen esan zure misiñoi erdizke bete dozule ustot,izen be etxi sarri bete dozu alaitxasunez.
Egune jun ahala onartu biherrin nau ule pillo honi kariño pixkat hartzen jun narille.Jaja, zemat barre eitxegenun zu eta unairen arteko norgehiagoka sutsuekin, zemat salto alde batetik bestera,zemak alperriko zaunke!
Baña bueno, hiltxeko egune jaixotekuaz batera daukau tatuaute azalin eta zuri gaur izen da. Pentsetot faltan botako zaitxutela bueltan, neuk enbikotxuaz zure ordesko salto danak!
Ongi izan txakur!Izenez handi eta izatez txiki, baña xelebri!

IZENA, IZANA, EZIÑA!

2009-04-20T12:38:00.001-07:00

Barriro testu honetaz gogoratu nahiko enauken arren zoritxarrez berriz min hau! 8 urteko eskaera eta Mikel Onko barrure. Ixe bi urte pasau eta soka honek oniño tenkadaka segitzen dau danon bixotzak estutzen. Bakea nahi baduzu presta zaitez gerrarako.... JO TA KE! Ezer gitxi esateko....

Ez dira betiko garai onenak esan dit batek albotik lasaitu nahian. Eta nik baietz, jaiak direla eta festarik festa ibiliko garela gauero! Bere sei lagun atxilotu omen zituzten orain dela urte bat pasatxo, eta galdetzen dit zergatik, zergatik, zergatik ZERGATIK! “Ez da posible ezin liteke” esaten dio bere buruari, eta gogoratzen ditu egun haiek “eta orain ere, inkomunikazioa”. Hilabete tardatzen omen du eskutitz batek beraien eskuetara iristen “antza Madril aldean postari faltan ibiliko dira”, bost minutuko sasi deiak esaten dio bere laguna nola dagoen eta gauzak horrela jarraituz gero behintzat, handik irtetean gutxienez kontrarrelojean irabazteko moduan egongo dira danak ere. Ez da eta nolanahiko marka bost minutuan astean pasatako dana kontatzeko gaitasuna izatea. Han barruan gertatzen dena kontatzekoa bada behintzat! Eta beti agur berbera “20 segundo gatzen di, 15 segundo gatzen di, muso bat!”
Eta nik diot, ez ahal da ba ekaitzaren ostean barealdia etortzen? Ba ez daitela arduratu, ez etsitzeko, gogor eutsi behar dela beti. Euregatik bada ere, eta ez sei haiengatik, zenbat dira eta, lau, bat, hiru, bost, zazpi…
Baina alperrik da etxean geratuta eta kalera-kalera, iritsi dira jaiak eta;hator-hator lagun zain dago eta kuadrila. “Akordau zaitxez igez zelako ondo pasau genun” diotsat, denborak etengabean aurrera egiten badu ere, jaiak ez direlako asko aldatu urteetan. Hor ibiliko da txosnetan Pedro Maio beti bezala lanian,baita gure kuadrilan mozkorra franko, eta nola ez txoznetatik zerurantz ziztu bizian doan kea-kea!
Baina “berriz min hau, luze dirau!”, horrela dago eta bera; esperantzara kondenatua. Gaurko zoritxarra biharko zoriona izango dela sinestu beharrean esperantzara kondenatuak bait gaude; eziña ekiñez egingo dugulako. “Aupa mutil!jaiki hadi!” ozen esaten deutsat belarri albotik, ta sorbaldatik heldu ta bagoaz kalera ardo gorri nafarra mozkortu arte edatera!
….
Trago bat, ta beste bat, ta beste bat… alza la mano si te gusta el txokolate! Barixekuuuu da ta gora bihotzak! Txoznetan lagun artean gaude eta egunetik egunera hemen bilduko gera, euskadin lorik ez delako egiten, han izkinan dago mari jaia guztioi oroitarazten: aqui no hace falta cama aqui nadie va a dormir!
Baina horrela ezin leike, ezin leike ibili “please stop the music. Ni bihar erretiratzen naiz betiko!”.
….
Urak dakarrena urak daroa eta jaiak ere bukatu dira, se akabo! Jada urrun da iragana baita geroa ere, eta berdin jarraitzen dut, nire lagunak non ote diren galdezka, zein larretan. Bide gehiegi dira bidearen bukaera azaltzen digutenak. Bizitza aurrera eramateko, bizitza bidean utzi behar, belauniko bizi edo zutik hil direnean ditugun aukera bakarrak, bizitzeko hil egin behar garenean… ezabatu kontraesanak! Kantatzen duen herria ez da eta inoiz hilko, eta esaera zaharrak dioen legez dabilen harriak goroldiorik ez. Beraz, Gora gu ta gutarrak ta besterik lortu ezean no hay tregua!

Ni kuu ndó?

2009-04-03T00:13:00.000-07:00

Dena da ezberdin eta arrotz bezain aberats eta gustagarri euriaren nazioan. Herri Mixtecoaren sustraietan arakatzen ibili gara, eta bat, erraz konturatu daiteke hemengo bizitzeko lege bakarra AUTONOMIA dela. Juez eta parte izatearen inkoerentzia baztertu eta beste errealitate bat eraikitzeko hautua egin dute tolerantzia eta antisektarismotik, horretarako ezinbesteko osagaia: digna rabia deritzotena.

Biktima izateari uko egin eta sistema kapitalistaren akats bihurtu dira.
Jada ez dago atzera bueltarik iraultza txikien matxinada handia hasi da. Gertu daude indioak.....

Kaktusaren erreinuan ni-a ezabatu eta gu-an pentsatzen dute, ezin baitezakete ni-rik ulertu gu-rik gabe. Aldarrikapen nagusia para todxs todo dutelako.
Hainbeste da taldetasunaren definizioa mixtecoengan ezen hizkuntzan ere lehenengo pertsonako aditzik ez dutela. Eta euskarak gure mundu ikuskera definitzen duen legez mixtepecen ez dago nire eskubiderik; baizik eta denon onura, ez dago nire goserik; baizik eta denon lan egin beharra...

Laguntasunak, errespetuak eta indio izatearen harrotasunak bustitako itsasoan igeri ibili gara, eta dena perfektua ez bada ere badugu zer ikasi herri hauetatik. Egunotan behin eta berriro galdetu diot neure buruari ez ote garen munduko aurreratuenok jendartearen atzerapenik handiena izango.

Eguzkiak gogoz jotzen duen herrixkan ordea, badira iluntasun handiko zuloak. Gaua ederra bada ere hemengo emakumeek ez dute argituko dituen izarrik: autoritatea gizonezkoa delako eta berari etxeko lanak egitea egokitu diotelako. Eta mutilak zangadaka ibaian jolasten duten artean neskatoak lotsatiki lurrari begira dabiltza harri bera milla aldiz lekualdatuz. Mixtecos berba zatarrak gutxi dira, emakumean iraintzen duten ohiturak berriz larregi. Kapitalismotik kanpoko pertsonen arteko harremanak eraiki nahi badituzte, beharrezkoa dute kristautasuna albo batera utzi eta berdintasunaren alor honetan ere aurrerapausuak ematea.

Agurtzerakoan indioak bizitza duin bat eskuratuko duenaren esperantzarekin joan naiz. Baina era berean emakumeak ere autonoma izango direnaren nahiarekin agurtu natzaie. Ezinezkoa litzatekeelako gizonezkoak garaipaenaren poztasunez negar egiten duten artean emakumearen masailetik irristatzen diren malkoak saminez betetakoak izatea.

Besterik barik, gogoangarriak egun hauek, ahaztezinak hemengo babarrun gorrizko gosariak (nahiz eta tripak guztiz astoratuta izan orain), aberasgarria preparatoria komunitarioa eta xelebrea bertako munduko mapa (iparraldea behekaldean kokatua eta hegoaldea berriz, goian). Gogorra nekazarien bizia. Borondatea eta esperantza herritarren ardatza, borroka tresna bakarra. Ezer gehiago galtzeko ez eta dena irabazteko.

Milaka urteetan zapalduta bizi direnen oihua azaleratuko da lurpetik eta oihartzuna gure belarrietaraño helduko da. Laister.

Milla esker!!!!

Nakuchakú neheé kueé ña´a!!!! (gora emakumeon borroka)
Nakuchakú neheé ñuú ntaví!!!! (gora herri zapalduen borroka)
Zapata vive la lucha sigue!!!!

Astiro eta amorruz

2009-03-22T14:36:00.000-07:00

Oraindik lo nagoen honetan ezin dut bereizi ametsa edo errealitatea den baina zure atzamarren mugimenduek irribarre salataria sorrarazi didate.
Desiozko haginkada guztiak minaren zentzua atzean utzi eta gozamenaren seinale bihurtu dira.
Ummmm, asperen bustiak nonahi, geroz eta ozenago geroz eta erritmo biziagoan.
Gorputzeko zurkulu guztiak dastatu ostean nire ahora datorren mihi biziak zentzu guztiak pizten dizkit, eta igartzen dut beatz puntetatik bururaino doan hotzikarak nola tentetzen dizkidan gorputzeko ile guztiak gradualki.
Zure hankartean preso hartu nauzu eta gozamenaren arrastoari jarraitzen diot fidelki. Astiro eta amorruz dabiltza dantzan gure mokorrak. Bitartean eskuak nire gorputz biluziarekin korapilatu dira, askatu ezinezko kiribila eratuz.
Eta orain besoak zabalik badituzu ere ezin naiz urrundu, imana bazenu bezala nire atzamarrak zure titi puntekin jolasten jarraitzen dute.
Nire hankarteko berotasunari eutsi ezin eta berehala urtu da izotza. Hoztasun horrek ordea, ez du itzali laba, izerditan gaude.
Zuri begira begiak zabal zabalik ditudala, hitz egin gabe ulertzen gara. Sentipen onek eztanda egin eta eskaini didazun irribarre konplize horrek nire ikuskera guztiak zuritu ditu bat batean....

Ezin zaitut ikusi, ez zaitut gainean sentitzen, NON ZAUDE?.......WAKE UP!!!zergatik-zergatik-zergatik!

Orain esna nagoen honetan ezin dut bereizi ametsa edo errealitatea den, kulerorik gabe bustita nago baina zu ez zaude nire ohean.

GORROTOZ AMODIOARI

2009-03-18T10:39:00.000-07:00

Gaurkoan maitasuna dut mintzo. Baina ez kolore arrosako maitasun (in)perfektu hori. Zaila zaigu konturatzea baina oso gaizki maitatzen irakatsi digute; maitatzeko modu tradizionala menperaketarako ezkutuko forma bat besterik ez delako. Gehientsuenok bizitza honetako elementu askoren inguruan eztabaidatu izan dugu luuuuze: hizkuntza, antzinatik datozen ohiturak... Gutxitan ordea mahigaineratzen dugu maitasunaren gaia.
Eta zergatik ez ditugu kolokan jartzen derrigorrezko monogamia, maitalea objektu bihurtzea, edota sexu-generoaren dikotomia eta honen ondoriozko rol zanpatzaileak? Zergatik ez?

Nire esperientziatik egin dezakedan ondorioztatzea (txikia) da gaur eguneko sistema patriarkatu honek nola harremandu, elkarbizi eta maitatu arautzen digula eta beraz maitasuna ez dela aske. Maitasunaren gartzela, bateratze monogamikoa da. Horrek bi pertsonen arteko fusioa eskatzen duelako, zeinetan bat, normalean, bestearen hoberako bere izatea ezabatzen hasten den. Ez gara konturatzen fidelitateak diskurtso katolikoa gordetzen duela atzetik eta beste pertsonaren gorputza eta pentsamendua modu autoritario baten geureganatzea dakarrela horrek.

Familia patriarkal, heterosexual eta monogamikoaren ereduak emakume eta gizonak jokatu beharreko papelak banatu eta zehaztu ditu; boteregune gizonezkoa bihurtuz. Forma hau sistema neoliberaleren sustengu bihurtu da, honek beharrezkoa duen gainbalioa bermatuz. Zer litzateke erlijio katolikoaren monopolioa maitasun eta fideltasunik gabe, edo zer litzateke zinema eta telenobelaren negozioaz?Musikagintzako alor haundi bat desagertuko litzateke traizioaren ondoriozko maiteminik gabe eta bestearenganako entrega totalik gabe. Eta horrelako milaka adibide eman ditzazket. Egun, maitasunaz negozioa egiten denean sinistarazi nahi digute familia tradizionala zerbait naturala dela eta ez sistema politiko-ekonomikoaren mantetzerako kontrol mekanismoa.

Beste iraultza askoren artean ezinbestekoa da re-EVOLUZIO sexuala egitea. Amodiozko harremanetako arauak berplanteatzeak jendartearen antolakuntzan pentsatzea dakar. Eta gaineratuko nuke proposamen iraultzaile bat ez dela nahikoa mundua aldatzeko, horrekin koherente izateko iraultza pertsonala ere ezinbesteko dela. Eta sarritan azken hau baztertzen dugu, errazagoa zaigulako besteek zer izan behar duten esatea gure akatsak konpontzea baino.

Gakoa modu askean hautatzeko aukera izatean dago. Sukalderaino sartua den sistema hau gorputzetik behintzat atera dezagun. Ez da ez kasualitatea guri gaizki maitatzen irakastea, ez da maitasunaren ondorio jeloskortasuna... Maitatu dezagun asko eta nahi dugun bezala, baina utzi diezaiogun maitatzen dugun horri aske izaten, bera izaten, eta ez nire. Eraiki dezagun fideltasunaren definizio berri bat errespetu eta zintzotasunean oinarritutakoa.

Maitxe daigun ganoraz la ostia!
Eta zelan ez, izen gaitxezan sikinaaaaaaahhhhkkkkkk!

Ba ez, alderantziz ere ez

2009-03-11T22:47:00.000-07:00

Bizitzan artez begiratu behar omen da guztia, ostantzean ulertzeko gaitzagoa ei da.
Nik 20 urte daramatzat bizitzari zuzen begiratzen, parez pare. Batzuetan bere aurpegi gaiztoena erakutsi eta burumakur gelditu naiz lurrari so. Beste askotan baina, sama luze luze eginda pasiatzen dut kalean gora eta behera.
Baina ez da hain sinplea. Dena hankaz gora dagoen honetan zuzen begiratuta ez dut ezer ulertzen. Eta aproba egin dut buruz behera ipinita ea anabasa honi zentzua aurkitzen diodan.
Baina ez, konturatu nahiz lurreko belarra burutik gertuago izanda ere gauza batzuek ez daukatela esanahi arrazionalik. Horrela egonda ere, Aurrera Bolie oihukatzeari ez diodalako terrorismoaren kutsurik hartzen. Edota ez dudalako uste emakumearen askapenerako ezinbesteko tresna labadora izan denik, Vaticanoko señoritoek Martxoaren 8an baieztatu zuten legez. Ados nago labadoraren sorrerarekin gehien poztu zirenak emakumezkoak izan zirela, baina gaur egun oraindik emakumea sistema patriarkatu-kapitalista-kontserbadorearen sareetan harrapatuta dagoen honetan, bere askatasunaz mintzatzea ez zait erraza egiten. Ez dauka zentzurik milaka miloi peso balio dituen marmolezko etxearen ondoan egurrezko txabolatxo bat egoteak. Nola liteke bizitzeko lan egin beharko genukeenean, lan egiteko bizitzea?...
Ez artez ezta alderantziz ere,definitiboki mundu honetako gauzek ez daukate esanahi logikorik.

Esanahirik aurkituko ez badiegu ere, ahalegindu gaitezen bada gauza horiek zer esana eman dezaten. Ixildu nahi dutena azaleratu eta mozorrotuta kaleratzen duten hori biluztuta erakutsi dezagun. Horrela, jada batzuentzat artez baina guretzat hankaz gora dagoena gehiago aldrebestuko dugu eta agian, apika, baliteke mundu hau pixka bat zentzuduntzea.

Eta gaur bebai.......

2009-03-07T16:40:00.000-08:00

El feminismo es una forma de vivir individualmente y luchar colectivamente S.B

Egunero bada be gure egune, gaur entzun gaitxezela kanto danetan patriarkatu, heteronormatibizaziño eta kapitalismuan kontra garrazike!

Al atakeeeerrrrr txirlis!

Presentearen inpresentzia

2009-03-05T18:57:00.000-08:00

Nazka.

Nazka ematen dit nagoen tokiari begiratu gabe etorriko denari so egin behar honek.
Orainaldiak duen balioa denboraren hondarretan galdu da.

Presentea ostu digu sistemak. Soilik iraganean edota etorkizunean bizi gara, gaurkoari erreparatu gabe. Jakin gabe gaurko hori erabakiorra dela irudikatzen dugun etorkizun horretan.

Pena ematen dit denboraren orratzak urteetan aurreratzeko daukagun gaitasunak. Pena, oraina dastatu gabe xurgatzen duten zurrunbilloak izateak. Eta pena, honen ondorioz, galdutako orainaren billa iraganera bueltatu beharrak.

Gaurkoa bizi beharko genuke; iraganetik ikasiz baina etorkizunari kasu gutxiago eginez. Zenbat eta gero planifikatuagoa izan, orduan eta zorigaiztokoagoak izango garelako.

Gaurko poztasunak eta gozamenak etorkizuneko zoriontasun planifikatuak baino gehiago balio duelako.....ORAINA BIZItzen hasi BEHAR DUGU, carpe diema osasunaren sinonimo ere bada.

Aldaketa bai?

2009-03-03T09:09:00.000-08:00

Aldaketa bat bigule ta aldaketa bat bigule... ba toma aldaketa!!!Oiñ itxo daixezela danak Lakuan... Nahixa nauke benetako aldaketa bat emongo balitzake ta holan espabillauko bagiñake... baña bakitenez batetik bestera alde handirik eztauela, ba guzti honi aspaldi hasitxeko zirkuan beste eszena bat gehixan itxuri hartzen dotzet. Igul larrei esati da, baña aldaketaik eztatorrelaaaaa..... ondo dakixe eta aldaketik zer dakarren atzetik: edo herrixan errebolta edota agintarixan diktadura... zoze gogortxu.
Ta asuntuk dauken itxuri ikusitxe.....ez bata ez besti!
Amaiera baten hasiera?agian, apika, baliteke...baña eztot uste!

Badenaz eta EZTENAZ

2009-03-02T22:25:00.000-08:00

Sarri esan didate eztena badela pentsatzean dagoela arazoa, edota ezer ez sinesteko ikusten ez dudan artean... Ni ordea ez nator bat esandako hauekin.
Izan ere, ezten hori ezinbesteko billakatu dut nire bizian, eta oraindik izan ez arren, posible dela pentsatzeak, amesteak, mantentzen nau bizirik gaurkoan. Egun batzuetan badenak asfixiatzen nau, errealitateak (eta ez ikusten dudan horrek) arnasteko gaitasun gabe usten nau eta orduan beharrezkoa izaten dut ezten hori.
XXI. mendean, ikusten denak, badenak, zentzu guztia galtzen duen honetan, nahiago izaten dut ezten horretan sinestea. Batzuen aburuz utopia, besten ustetan zorakeria...baina niri, baden horrekin apurtzeko eta nire izatea osatzeko balio dit.
Platonek ondo esan zuen benetan dagoena ikustea mingarria dela. Eta arrazoi osoa zuen. Guri benetazko gisa erakusten digutena kobazuloko itzalak besterik ez direlako. Barrote gardenez eratutako gartzelan bizi gara, errealitate faltsuan...
Bakoitzak baloratu beharko du zer den nekezagoa; edo egiazko mundura, ezten horretara, heltzeko pausuak ematea edo badenaren atz nazkagarritan itotzea.... Nire ustez, jada azpian den horrek kaka usain handiegia du eta egiazko mundurako bidea gogorra bada ere, ezinbestekoa da gauzatzea.

Bizar zuri

2009-02-23T21:25:00.000-08:00

Haize gisa helarazten dituzun askatasun eta indarra neure egiten ditut zure ondoan. Ezeren eta inoren beldurrik gabe sentiarazten nauzu momentu horietan.
Arrastaka eraman eta besarkada zabal batekin babesten nauzu zure baitan. Haserretuz gero, grabitatearen legea desafiatuz goia eta behearen zentzua hankaz gora jartzeko gai zara. Eta orduan dana bihurtzen da anabasa.
Zure baitan dakarzu milaka urtetako ibilaldia, baina beti olatu berriekin zatoz gugana; zaharrak ur ertzean disekatuz eta berriak zeure eginez.
Gustuko dut zure puskadek taberna zuloan egon ohi diren nire ileak astintzea.
Hurreratu eta belarrira baxu eta goxo kontatzen dizkidazunak entzuten orduak pasa ditzazket. Barruan daramadan piztia mantsotzen duen seaska kantu onenak abesten dizkidazulako.
Nik erantzuten dizut zirikatzaile, baina honela txiki bilakatzen naiz zure handitasunaren ondoan.
Mingotsa bazara ere, zure ametsek kresal usain eztitxua daukate eta zure gardentasunak oraindik orain munduko jabe zarela erakusten didate.

Eta orain zugandik urrun nagoen honetan faltan botatzen zaitut bizar zuri... Oraintsu artera bezala begiratu nahi zaitut, zure egin nazazun nahi dut.